ವೇಣೂರು ಮಸ್ತಕಾಭಿಷೇಕ ಇಂದು ಶ್ರವಣಬೆಳುಗುಳದ ಶ್ರೀ ಚಾರುಕೀರ್ತಿ ಭಟ್ಟಾರಕ ಸ್ವಾಮೀಜಿಗಳ ವೈಭವದ ಪುರಪ್ರವೇಶ
ವೇಣೂರು : ನೂತನ ಭಟ್ಟಾರಕರಾಗಿ ದೀಕ್ಷೆ ಪಡೆದ ಬಳಿಕ ಇಂದು ಪ್ರಪ್ರಥಮವಾಗಿ ವೇಣೂರು ಪುರಪ್ರವೇಶಗೈದ ಶ್ರವಣಬೆಳುಗುಳ ಶ್ರೀಗಳನ್ನು ವೇಣೂರು ಮಹಾಮಸ್ತಕಾಭಿಷೇಕಕ್ಕೆ ವೈಭವದಿಂದ ಸ್ವಾಗತಿಸಲಾಯಿತು.
ವೇಣೂರಿನ ಕಲ್ಲುಬಸ್ತಿ ಬಳಿಯಿಂದ ಸಂಪ್ರದಾಯ ಪ್ರಕಾರ ಪೂರ್ಣಕುಂಭಪೂರ್ವಕ ಸ್ವಾಗತಿಸಿ, ಬಳಿಕ ಪಲ್ಲಕ್ಕಿಯಲ್ಲಿ ಕುಳ್ಳಿರಿಸಿ ಮೆರವಣಿಗೆಯೊಂದಿಗೆ ಬಾಹುಬಲಿ ಬೆಟ್ಟಕ್ಕೆ ಬರಮಾಡಿಕೊಳ್ಳಲಾಯಿತು. ಈ ಸಂದರ್ಭ ಮಹಾಮಸ್ತಕಾಭಿಸಮಿತಿಯ ಪದಾಧಿಕಾರಿಗಳು, ಸ್ಥಾಪಕ ವಂಶಸ್ಥ ತಿಮ್ಮಣ್ಣಾಜಿಲರಾದ ಡಾ| ಪದ್ಮಪ್ರಸಾದ ಅಜಿಲ, ಬಾಹುಬಲಿ ಯುವಜೈನಸಂಘದ ಸದಸ್ಯರು, ಬ್ರಾಹ್ಮೀ ಮಹಿಳಾ ಸಂಘದ ಸದಸ್ಯರು ಜೈನ ಶ್ರಾವಕ, ಶ್ರಾವಕಿಯರು ಉಪಸ್ಥಿತರಿದ್ದರು.
